CEBU - Gilingaw ni Earl Jean Brylle Ornopia ang katawhan nga misaksi sa 2008 Atan Guardo Motocross niadtong Domingo didto sa Sitio Mohon sa barangay Tisa, ning siyudad.
Ang 8-anyos nga si Ornopia, anak ni motocross patron Seigfred Ornopia sa Kiez BJ Motorsales maoy nidominar sa pewee division dihang iyang napuhalan ang abilidad nilang VJ Pepito ug Vince Danao nga mipahiluna sa ikaduha ug ikatulo nga dapit.
Ang maong kompetisyon nga usa sa mga kalihukan sa tinuig nga kapistahan sa sitio Mohon, gipaluyohan sab sa Uniherb Philippines, ang tiggama sa Arthro, Kidneycare, Heartvit ug Diabet. – BANAT NEWS