4th win papanain ng DLSU

Magsasagupa ngayon ang mga bigating La Salle at San Sebastian sa tampok na laro sa alas-4:00 ng hapon sa Shakey’s V-League second conference sa The Arena sa San Juan.

Hangad ng Lady Archers na masundan ang 3-1 panalo kontra sa Far Eastern U noong Martes habang magdedebut naman ang San Sebastian, sa torneong ito na hatid ng Shakey’s Pizza at inorganisa ng Sports Vision.

Maghaharap naman sa pambungad na laban ang Ateneo at Lyceum na pareho ring magbubukas ng kanilang kampanya sa event na ito na suportado rin ng Active White skin whitening products, Mikasa at Accel.

Para sa updates at results, bisitahin ang tournament website sa www.v-league.ph.

Ang Ateneo-Lyceum game ay ipapalabas sa NBN-4 simula alas-2:00 ng hapon bukas habang ang replays ay mapapanood sa Viva Prime Channel sa Destiny Cable at Makisig Channel sa Sky Cable. Ang La Salle-SSC duel ay ipapalabas sa Linggo.