R-Lenda midaog sa Jeff Lawrence

CEBU - Ang nag-aso-aso nga kainit nilang Renjel Fajardo ug Lister Russell sa fourth quarter maoy gihimong hinagiban sa R-Lenda pagpukan sa Jeff Lawrence, 64-57 niadtong Biyernes sa   elimination round sa seniors division sa 1st Unit III Carbon Market basketball tournament didto sa barangay Ermita open court, ning dakbayan.

Ang duha ka kampo pulos wala magpabiya og daku ug gani ang R-Lenda igo lang nakalabaw og uno punto, 47-46 paghuman sa third quarter.

Kalit nga naglami ang duwa dihang mi-rally ang Jeff Lawrence sa pagpangulo ni Lorjie Torrejos ug Jojo Emnace, apan wala gihapon kini makapiog sa R-Lenda.

Si Fajardo maoy nangu sa R-Lenda sa iyang 17 puntos, samtang si Elmer Elmoses adunay 12 puntos, si Niño Noel miamot og 11 puntos ug si Russell mitampo og 10 puntos.

Sa juniors division, ang FGS dribblers milubong sa LSB squad, 80-68, samtang ang Marbeb’s Fighter mipakurat sa Thinkers sa iskor nga 55-44.

Si James Cabugason maoy nangu sa FGS pinaagi sa iyang 21 puntos. Si Kuya Castañares ug Eric Tautjo mitampo og 19 ug 18 puntos alang sa FGS nga temporaryong naghari sa liderato bitbit ang 4-1 nga baraha.

Si Angel Benitez mi-iskor og 32 points alang sa pilderong LSB kinsa wala pa makatilaw og daog sud sa ilang tulo ka duwa.

Ang topscorer sa Marbeb's Fighter mao si Baget Alfeche pinaagi sa iyang 20 puntos. 

Ang 0-3 nga Thinkers gipangulohan ni Ronald Blaniran sa iyang 14 puntos.

Puntos Matag Usa

Unang duwa:

FGS (80) -- Kabugason 21, Castañares 19, Tautjo 13, Flores 8, Cabuñas 6, Feluva 5, Empinado 4, Larrobis 2, Mari 2

LSB (68) -- Benitez 32, Garcia 7, Larrobis 7, Bausa 7, Tampus 6, M. Flores 4, Genson 3, Pogoy 2

Ikaduhang duwa:

Marbeb (55) -- Alfeche 20, J. Flores 18, Ompong 6, M. Perante 4, K. Perante 4, Fernandez 2, Tuñacao 1

Thinkers (44) -- Blaniran 14, Cosep 6, Lausa 6, Sumalinog 4, Macabalong 4, J. Lausa 4, Aniñon 4, Jojo 2

Ikatulong duwa:

R-Lenda (64) -- Fajardo 17, Elmoses 12, Noel 11, Russell 10, Kid 6, Dico 5, Bryan 2, Artajo 1

J. Lawrence (57) -- Torrejos 11, Emnace 10, dico 8, Tura 7, Rosales 6, Jumao-as 4, Dominguez 4, Abatayo 4, Gomez 2, Abapo 1. – BANAT NEWS