FYA Warriors mi-abante sa finals

CEBU - Nasakmit sa F. Llamas Youth Association (FYA) Warriors ang unang luna sa finals human nila gipukan ang Golden Eye, 75-71 sa 1st Coach Rady Cup basketball tournament niadtong Huwebes sa gabii didto sa Vicente Sotto Memorial gym sa bryg. Punta Princesa, ning siyudad.

Sa laing duwa, gilumsan sa FYA Lakers ang FYA Viking Haulers sa iskor nga 90-76 aron pagtabla sa ilang baraha nga 2-3.

Ang 4-1 nga Warriors makigsangka sa Golden Eye o dili ba sa Viking Haulers alang sa championship round. 

Sila si Daniel Enriquez ug Chrissar Llegunas nga pulos mihakot og 17 puntos matag usa maoy nangu sa Warriors.

Ang Golden Eye kinsa nagtinguha sab sa pag-abante sa finals gipangulohan ni Rovel Tabar sa iyang 18 puntos, gisundan ni Janus Abellana sa iyang 16 puntos.

Sa sayo pa, sila si Wendell Rollon ug Carl Rama nagkumboya og 47 puntos aron pangulohan ang opensiba sa Lakers. Si Rollon mihipos og 27 puntos, samtang si Rama mi-iskor og 20 puntos. Ang   ex-Jaguar nga si Giovanni Canceko mitampo og 15 puntos.

Si Adrian Laborte mihakot og 26 puntos alang sa Viking, gisundan ni Baeng Medalle sa iyang 16 puntos.

Ang FYA 1st Rady Cup gipaluyohan ni Punta Princesa barangay captain Rolly Diorico ug councilor Boogie Atillo.

Puntos Matag Usa

Unang duwa:

Lakers (90) -- Rollon 27, Rama 20, Canceko 15, Garcia 8, Cañete 5, Jao 4, Enriquez 4, Caballero 3, Guy 2

Viking Haulers (76) -- Laborte 26, B. Medalle 16, Arreglo 13, Camacho 10, Ylanan 6, Zapanta 2, Laborte 2, Solon 1

Ikaduhang duwa:

Warriors (75) -- Enriquez 17, Llegunas 17, Cadungog 11, Grant 7, Abella 7, Marata 7, Navaja 4, Cambarijan 3, Alob 2

Golden Eye (71) -- Tabar 18, Abellana 16, Rama 10, Marata 8, N. Medalle 7, enriquez 4, Beltran 3, Jobern 3, Arias 2. – BANAT NEWS