Runners magginukdanay Cebu Pink October Run

CEBU - Magginukdanay na usab sa kadalanan ang mga mahiligon sa dagan sa ipahigayong PCS Cebu Pink October Run karong Domingo diha sa Cebu Doctors’ University gym.

Ang lumba gibahin sa tulo ka kategoriya -- 3K, 5K ug 10 kilometer run.

Ang 3K run gidugang ning tuiga alang sa medical students sa nagkalain-laing medical schools dinhi sa dakbayan sa Sugbu.

Niadtong interesadong mosalmot sa lumba mahimong magpalista sa Cebu Doctors’ University Hospital pinaagi nilang Baby sa telepono 254-9246 o dili ba ni Miriam sa 0917-3248046.

Ang mga runners gihatagan lang hangtod sa Biyernes sa pagparehistro.

Gawas sa paglingaw-lingaw, ang maong lumba gitumong sab alang sa breast cancer awareness.

Usa ka lay forum sa breast cancer awareness ang himuon human sa awarding ceremonies.

“We hope to increase awareness of the public with regards to the early diagnosis and treatment of breast cancer. We also believe that running is one of the best forms of promoting a healthy lifestyle,” matud pa ni PCS-Cebu President Dr. Arnold Tan.

Ang Pink October Run gipasiugdahan sa Philippine College of Surgeons Cebu-Eastern Visayas Chapter uban sa suporta sa Sports and Fitness Enthusiasts (SAFE) nga gipangulohan ni Joel Baring ug sa Sight First Clinic Running Club ni Dr. Yong Larrazabal.BANAT NEWS

Show comments