SACS, SHS-J midaog

CEBU - Mikulit og laing daog ang Sacred Heart School-Jesuits (SHS) dihang ilang gipilde ang CIT Hoop It Up, 65-57 sa 17 under category sa nagpadayong Hapee Online basketball tournament niadtong Domingo didto sa Guadalupe Sports Complex.

Ang abtik nga si Kyle Edwin Valmoria nag-wild og maayo, ilabi na sa fourth quarter aron pangulohan ang SHS-J Eagles pinaagi sa iyang 25 puntos.

Sa laing duwa, gilampaso sa SACS ang Cebu Eastern College (CEC) Dragons sa iskor, 63-37 sa 12 years old under category aron pag-abante ngadto sa semifinal round.

Ang leading scorer sa CIT Hoop It Up nga si Clyven Nebron Limalima wala kahuygo tungod sa kahugpot sa depensa nga gipatuman ni Jomari Dinsay ngadto kaniya ug mi-iskor lang kini og 14 puntos.

Ang CIT Hoop It Up migamit og trapping defense, apan ang Eagles dali kaayong nakahimo’g mga kausaban pagguba sa ilang depensa.

Sa pasiunang duwa, ang SACS walay kukaluoy nga milubong sa CEC, 63-37 sa 12 under category.

Si Ryan Reynes kinsa mi-iskor og 18 puntos maoy nangulo sa SACS.

PUNTOS MATAG USA

Unang duwa:

(12 years under)

SACS (63) -- Reynes 18, Villaceran 17, Maligro 16, Toring 11

CEC (37) -- Iton 10, Miranda 8, Aves 7, Velano 5, Cisneros V.4, Bulibuli 3

Ikaduhang duwa:

(17 years under)

SHS-J (65) -- Valmoria 25, Tagaloguin 16, Rama 6, Roma 6, Alicias 6, Dinsay J 2, Dinsay K 2, Ventura 2.

CIT (57) -- Limalima 14, Sanchez 12, Seranno 10, Denora 6, Ugsang 4, Mayone 4, Caballero 6, Abos 2, Jungoy 2  (BANAT NEWS)