Cinco nag-wild sa Atan Guardo

CEBU – Walay kukahadlok nga miratsada si Michael Cinco aron pangulohan ang Atan Guardo paglatos sa Four R, 99-82 sa Banawa Riverside Athletic Association (BRAA) basketball tournament didto sa Banawa open court.

Si Cinco mipugas og lima ka triples sa kinatibuk-an niyang 27 puntos alang sa Atan Guardo, kinsa nakabaton og 12 puntos nga labaw sa first quarter, 30-18.

Nakasikit hinuon, ang Four R sa iskor nga 46-47 sa halftime, apan ang Atan Guardo sa tuyo nga dili mapukan, miarangkada sa ikatulong kuwarter aron pagtanom og balik sa

 ilang double digits nga labaw sa iskor nga 70-59 pag-entra sa katapusang kuwarter.

Sa final quarter, wala na mausab ang dagan sa duwa sa Atan Guardo aron pagkulit og 17 puntos nga kadaugan.

Si Richard Gubaton mitunol og 15 puntos alang sa Atan Guardo nga gipaluyohan sa Uniherb Philippines, usa sa nag-unang health companies sa nasud nga tig-apod-apod sa nabantog nga food supplements sama sa Arthro, Heartvit, Kidneycare ug Diabet.

Atan Guardo (99) -- Cinco 27, Gubaton 15, Labay 14, Villarosa 11, Panerio 9, Mulchandani 9, Limosnero 7, Canutan 3, Panerio 2, Arciaga 2

Four R (82) -- R. Ceballos 25, O. Daclan 20, Caman 9, Pepino 7, Daclan 6, Lopez 5, Banlon 4 – BANAT NEWS