CEBU - Nakaipsot ang Cebu Institute of Technology (CIT) Hoop It Up pinaagi sa pag-iskor og 65-63 nga kadaugan batok sa USC South Campus sa 17 under Hapee Online Basketball League 2nd Challenge Cup niadtong Domingo didto sa Guadalupe Sports Complex.
Ang Warriors miabante og dos puntos, 30-28 sa halftime ug sa sunod nga duha ka kuwarter nagsinukliay sa ilang puntos ang duha ka kampo.Sila si Sanchez, Caballero ug Clyven Limalima nagkumboya og 14 puntos sa katapusang dos minutos sa duwa aron giyahan ang CIT ngadto sa kadaugan.
Si Limalima maoy topscorer sa CIT sa iyang 19 puntos.
Sa main game, ang Sacred Heart School-Jesuits (SHS-J) mipukan sa undermanned nga Indiana Aerospace University IAU sa iskor nga 83-75.
Ang Eagles nabiyaan og 20 puntos sa first period, apan hinay-hinay nilang gipapas ang labaw hangtod nga nagtabla, 35-all human sa triple ni Michael Smith sa halftime.
Si Smith maoy nangu sa Eagles sa iyang 29 puntos, samtang ang fighting seven sa IAU gipangulohan nilang Abalde ug Pepito kinsa nagkumboya og 48 puntos.
Puntos Matag Usa
Unang duwa:
CIT (65) -- Limalima 19, Sanchez 13, Caballero 10, Campos 8, Serrano 7, Mayone 6
USC South (63) -- Nacua 19, Sepe 16, Nwanaka 9, Lora 8, Alfeche 4, Cañares 2, Oliva 3, Prito 2
Ikaduhang duwa:
SHS-J (83) -- Smith 29, Roma 20, Baloria 16, Talaguin 9, Purcia 5, Dinsay 2, Acusar 1
Indiana (75) -- Abalde 27, Pepito 21, Quinal 9, Villafuerte 8, Kelly 6, Alegre 2, Intramudas 2. - BANAT NEWS