Commando pabiling walay pilde sa Power 40

CEBU - Ang Hero Commando mikulit sa ilang ikatulong sunod-sunod nga kadaugan pinaagi sa pagpilde sa EBE and Allyn Piggery, 74-68 sa nagpadayong Power Forty Basketball Tournament Christmas League didto sa Inayawan Sports Complex.

Apan ang makapakurat nga duwa mao ang kamangtas sa UTASSCO Utility kinsa milubong sa Christine Traders sa iskor nga 106-86.

Daw sa giharian ang team manager sa UTASSCO nga si Atty. Flor Yosores kay mi-antog kini og 30 puntos nga nakapaisa sa kilay sa Christine.

Si Alex Mercado mitampo og 29 puntos ug si Arthur Cejudo miamot og 19 puntos.

Ang Christine gipangulohan sab ni Joey Escalon sa iyang 19 puntos, gisundan ni Allan de la Rama sa iyang 16 puntos, si Edwin Dejacto miabuno og 11 puntos ug si Vez Eleguin miratsada og 10 puntos.

Sa laing kumbati, sila si Nestor Javierto, Tata Cabañero ug Mark Genzon miposte og 10 puntos matag usa aron pangulohan ang Hero Commando, kinsa nagbitbit og 3-0 nga baraha, samtang si Carding Vernaiz mao ang nangu sa EBE pinaagi sa iyang 16 puntos.

Gilubong sab sa Park 'N Go Bakeshop ang Fag Machine Shop sa iskor nga 103-70 aron pagpahiluna sa ikaduhang dapit uban sa UTASSCO sa pulos nagbitbit og 2-1 win-loss records.

Sa gihapon, si Michael Arias mao ang nangu sa kadaugan sa iyang 31 puntos, gisundan ni Dome Ozon nga miamot og 22 puntos.

Si Inayawan barangay councilor Mario Tabar mipabuto sa iyang 41 puntos alang sa Fag Machine Shop, ang bugtong team nga wala makatilaw og daog sulod sa tulo ka duwa.

Puntos Matag Usa

Unang duwa:

UTASSCO Utility (106) --Yosores 30, Mercado 29, Cejudo 19, Mabalcon 12, Yu 6, Filosopo 4, Batac 2, Nacional 2, Gabuya 2

Christine Traders (86) -- Escalon 19, Dela Rama 16, Dejacto 11, Eleguin 10, Dumale 8, Cayacap 7, Dacalos 6, Abalo 6, Bacalso 3 Halftime: 52-38

Ikaduhang duwa:

Hero Commando (74) -- Javierto 10, Cabañero 10, Genzon 10, Abadejos 9, Rosal 9, Ibones 8, Abarquez 7, Nacional 4, Lalican 3, Navares 2, Rabadon 2

EBE and Allyn (68) -- Vernaiz 16, Moniva 12, Nuñez 10, Abella 10, Reyes 7, Balbanera 6, Lisondra 4, Romarez 3 Halftime: 36-35

Ikatulong duwa:

Park ‘N Go (103) -- Arias 32, Ozon 22, Layon 18, Rama 9, Dejarme 8, Echavez 8, Colinares 6,

Fag Machine (70) -- Tabar 41, Mosqueda 11, Ramil 9, Sabejon 3, Cabrera 2, Abasolo 2, Ylaya 2 Halftime: 48-32. - BANAT NEWS