"Baroto Regatta sa Talisay" tigian ugma
CEBU - Motambong sila si Governor Gwendolyn ‘Gwen’ Garcia ug Cebu First District Rep. Eduardo ‘Eddiegul’ Gullas sa ipahigayong “Baroto Regatta sa Talisay” ugma diha sa Talisay Tourist Resort sa Poblacion, Talisay City.
Si Garcia maoy mopabuto sa pistola timaan sa pagsugod sa lumba nga manukad gikan sa Poblacion paingon sa norte ngadto sa Parola, dayon sa Lagundi Reef ug balik.
Dul-an sa 70 barotos ang mosalmot sa nahisugtang boat race nga gipasiugdahan sa City Fisheries and Aquatic Resources Management Council (C-FARM C) nga gipangulohan sa ilang tsirman David ‘Kuya Boy’ Odilao.
Mga ganting salapi, tropeyo ug medalya ang madawat sa mga mananaog.
Ang kampiyon makadawat og P20,000, ang ikaduha ug ikatulo mobulsa og P15,000 ug P10,000. Ang fourth makaangkon og P5,000, samtang fifth gantihan og P3,000.
Ang non-winners makadawat og gift packs gikan sa mga sponsors.
“This activity is dedicated to the lowly fishermen of Talisay who still use the small baroto for fishing,” matud pa ni Odilao. - BANAT NEWS
- Latest
- Trending
