Kidney Care daog na sab

CEBU - Mikulit na sab og laing daog ang Kidney Care nga gipangulohan ni Lando Almojallas human ilang gipukan ang DES Marketing, 98-88 sa Punta Princesa Sports Association (PPSA) Businessmen’s Cup 2nd Conference didto sa Vicente Sotto Memorial gym sa barangay Punta Princesa, ning dakbayan.

Luya kaayo ang Kidney Care sa first period apan namawi kini sa second quarter aron pagposte og 10 puntos nga labaw sa halftime, 48-38 luyo sa paningkamot nilang ex-UC center Joshua Alguno ug ex-Lancer guard Rene Toring.

Ang Kidney Care nga walay katagbawan mipaburot sa ilang labaw ngadto sa 19 puntos, 76-57 pag-entra sa final quarter. Ang DES Marketing milusad og rally aron pag-outscored sa Kidney Care, 31-22, apan wala gihapon kini makatabang sa pagpadaog sa ilang koponan.

Ang Kidney Care naghupot na karon og 3-0 nga baraha, samtang ang DES Marketing adunay 0-3 nga baraha.

Si Alguno maoy nangu sa Kidney Care sa iyang 25 puntos, samtang si Toring mitampo og 16 puntos.

Si Emeril Marquez mao sab ang nangu sa pilderong DES Marketing sa iyang 20 puntos ug gisundan ni Edgar Sumalinog pinaagi sa iyang 18 puntos.

PUNTOS MATAG USA

Kidney Care (98) -   Alguno 25, Toring 16, Cañete 15, Panique 10, Almojallas 7, Mata 6, Cayobit 6, Tomaquin 5, Rosito 4, Agpasa 2, Albods 2

DES MARkEtIng. (88) - Marquez 20, Sumalinog 18, Binondo 15, Dela Peña 13, Beltran 8, Migraso 6, Josol 6, Tiro 2 (BANAT NEWS)