House of Hope, NEC Telecom mipulbos sa ilang kaatbang

CEBU - Ang House of Hope ug NEC Telecom mipulpog sa ilang tagsa-tagsa ka kaatbang sa 7th Thirsty Hoop Jams Inter-Company Basketball Tournament didto sa BRIGHT Academy Gym sa Brgy. Banilad.

Ang House of Hope milumpag sa Globe Telecom, 56-49, samtang ang NEC Telecom mipakaging sa Alliance Software, 44-38.

Si Jimmy Abello milansang og 16 puntos, samtang si Roel Patunob ug Romeo Membrillo nagkumboya og 21 puntos alang sa House of Hope nga wala na molingi pa human mi-abante, 16-7 sa unang kuwarter.

Ang Globe Telecom miratsada sa second quarter aron laslasan ang labaw, 40-42, apan ang House of Hope mipabuhagay sa ilang nagpungasi nga opensiba sa ikatulong kuwarter aron pagkandado sa kadaugan.

Sa laing bahin, si Teh maoy topscorer sa NEC Telecom sa iyang 15 puntos, samtang si Raymond Rizada mao sab ang nangu sa Alliance Software sa iyang game-high 18 puntos.

PUNTOS MATAG USA

Unang duwa:

House of Hope (56) -- Abello 16, Patunob 11, Membrillo 10, Filoteo 6, Amodia 5, Ebarle 3, Aguilar 3, Cabarrubias 2

Globe Telecom (49) -- Maniquis 11, Vidal 8, Crystal 7, Torres 7, Mendiana 6, Anog 4, Rojas 4, Macadaya 2 

Ikaduhang duwa:

NEC Telecom (44) -- Teh 15, De Castro 12, Florendo 7, Pinzon 4, Taboada 2, Bibera 2, Cabigon 2

Alliance (38) -- Rizada 18, Miñoza 6, Lim 4, Demecillo 2, Maranan 2, Sy 2, Sanchez 2, Escarro 2  (BANAT NEWS)