CEBU – Gibasura sa kadagkuan sa Philippine Basketball League (PBL) ang hangyo sa Burger King Franchise nga ilakip ang 6-foot-8 Nigerian center nga si Sam Ekwe sa ilang line-up karon nga season.
Ang PBL 2008-2009 season gikatakdang buksan karong Oktobre 25.
Ang maong desisyon gipadayag ni PBL board chairman Mikee Romero. Matud pa ni Romero nga human sa katapusang tuig niya sa San Beda Red Lions gidid-an na nila nga moduwa sa PBL ang Nigerian.
“Ekwe, being a non-Filipino, cannot play for any team as the PBL is a Filipino League,” matud pa ni
Romero.
Sa iyang bahin, si coach Allan Gregorio sa Burger King nga nasagmuyo sa maong desisyon nagkanayon nga daku unta og matabang si Ekwe sa ilang kampanya niini nga season.
Lakip sa mga players sa NCAA champion team San Beda nga maka-uban unta ni Ekwe sa Burger King mao sila si Jason Ballesteros, Borgie Hermida, Ogie Menor, JR Tecson Bam Gamalinda, Jake Pascual ug Dave Marcelo. – BANAT NEWS