CEBU – Nasanta ang tulo ka sunod-sunod nga daog sa Team-B dihang gipilde kini sa Team-A, 76-73, samtang midaog sab ang Team-C batok sa Team-D sa laing kulbahinam nga duwa, 78-74 sa pagpadayon sa TTH Club basketball tournament didto sa USC North gym sa Gen. Maxilom Avenue, ning dakbayan.
Ang Team-B igo lang nakamaneho paglabaw sa first half, apan human mabuak sa Team-A ang 57-deadlock, ang naulahi mao na kini nagdominar sa duwa.
Sila si Diodato Lunday, Jonathan de Leon ug Erwin Gica maoy nangulo sa rally sa Team-A aron hatagan ang ilang koponan og 3-1 nga baraha.
Si Lunday kinsa kanhi star sa UC, maoy topscorer sa Team-A pinaagi sa iyang 21 puntos, samtang si De Leon mi-iskor og 18 puntos ug si Gica adunay 14 puntos.
Si Fritz Villamor maoy nangu sa habig sa Team-B sa iyang 28 puntos, sila si Anton Colmenares ug Jansen Huntar mitampo og 12 puntos matag usa.
Sa laing bahin, si Henry Mancera mibahog og 24 puntos aron pangulohan ang Team-C ug si Elvis Labares mitampo og 21 puntos, samtang si Mark Villagonzalo kinsa mikulit og 23 puntos maoy nangulo sa pilderong Team-D.
PUNTOS MATAG USA
Unang duwa:
Team-A (76) -- Lunday 21, DE Leon 18, Gica 14, Quiñanola 6, Umabong 6, D. Lim 4, Yap 3, Aclan 2, K. Lim 2
Team-B (73) -- Villamor 28, Colmenares 12, Jayme 12, Huntar 12, Uy 4, Cenabre 3, Ho 2
Ikaduhang duwa:
Team-C (78) -- Mancera 24, Labares 21, R. Lim 13, Policios 10, Sala 10,
Team-D (74) -- Villagonzalo 23, Grogard 17, Castañeda 10, H. Lim 10, hua 6, Estoso 4, Bullo 2, Enricuso 2 – BANAT NEWS