PBA sugdan Okt. 4

CEBU - Nagpanikad na ang mga aspiring rookie players nga mopakita sa ilang abilidad sa labing daku nga liga dinhi sa Pilipinas -- ang Philippine Basketball Association (PBA) nga mobukas sa ilang ika-34th season karong Oktubre 4 didto sa Araneta Coliseum.

Lakip nga angay'ng lantawon karon nga season mao ang mga players nga nibalhin sa laing koponan.

Usa ka parada nga salmotan sa tanang koponan ang pagahimuon atol sa opening . Human sa parada isunod dayon ang unang duwa diin ang Coca Cola Tigers nga pangulohan ni Asi Taulava mohamag sa Talk N’ Text Tropang Texters.  

Ang double-header sugdan sa Oktubre 5 diin magsangka ang Air21 Express batok sa Welcoat Rain or Shine  alang sa pasiunang duwa, samtang ang Alaska Aces ug ang Magnolia Beverage Masters maoy magsangka sa main game. – BANAT NEWS