CEBU - Nakadawat na sa ilang pasidungog ang top performing athletes ug schools atol sa gipahigayong Milo Little Olympics-Visayas awarding ceremonies kagahapon didto sa SM City-Cebu Entertainment Center.
Ang University of Cebu (UC) maoy overall champion sa secondary division, samtang ang University of the Visayas (UV)-Cebu mao sab ang overall champion sa elementary division.
Ang UC Webmasters mihakot og 65 ka medalya nga gibahin ngadto sa 34 golds, 20 silvers ug 11 ka bronzes.
Nagsunod niini ang University of San Carlos (USC) nga adunay 19 ka medalya (11 ka gold, duha ka silvers ug unom ka bronzes). Mipuwesto sa ikatulong dapit alang sa secondary division mao ang Abellana National School (ANS) nga mikawhat og 35 ka mga medalya (10 golds, 14 silvers ug 11 bronzes).
Mokompleto sa top 10 mao ang University of Southern Philippines Foundation ((7-12-9), Don Carlos Gothong MNHS (3-0-5), University of San Jose-Recoletos (2-4-6), Sacred Heart School-Jesuit (2-4-0), Gun-ob National High School (2-3-2) ug Paknaan National High School (2-2-1).
Samtang ang UV Lancers nga maoy nangulo sa elementary division mihakot og 28 nga gibahin-bahin ngadto sa 12 ka golds, unom ka silvers ug 10 ka bronzes. Gisundan kini sa bisitang Siliman University sa siyudad sa Dumaguete (11 golds, 3 silvers ug 1 bronze), mipahiluna sa ikatulong dapit ang Sacred Heart School-Jesuits nga adunay 6-gold, 7-silver, 1 bronze medals.
Lakip sab nga gipasidunggan ang Most Outstanding Athletes sa tagsa-tagsa nila ka mga duwa sa secondary ug elementary divisions.
Gipasidunggan mao sila si Ma.Carmela L.Quijano ug Jee-Ann Racoma (gymnastics), Ralph Bonsukan ug Mark Joseph Puentevelo (badminton), James Andrew A. Balbona ug Mark John Cuya sa (chess), Pericles Dakay ug Peter Ricamora (football), Jojelyn Tracy Badonio ug Karen Sthea Velaz sa (gymnastics), Ed Adrian Paranga ug Sallydine Siso (lawn tennis), Jhelle Raboya ug Albert Lee Alcovendas (scrabble), Rodney John Sarte ug Angelito Raymart Abella (sepak takraw), Ana Danielle Paraiso ug Paula Abigail Vega sa (swimming), Vence Flores ug Val Stephen Jaca sa (table tennis), Deb Matthew Daclan ug Kristal Lianne Tampus (taekwondo) ug sila si Niño Medalle ug Kevi Roy Casia (volleyball). - BANAT NEWS