Dumlog, Tabunok 2, 3-0 na sa Mayor's Cup 2008

CEBU – Mikutlo na sab og laing daog ang Dumlog human gipilde ang Tabunok 1, 76-70 sa seniors division sa Talisay City Mayor’s Cup 2008 basketball tournament niadtong Biyernes sa gabii didto sa Talisay City Sports Complex.

Upat ka magduduwa ang miposte og double figures alang sa Dumlog nga gipangulohan ni Nestor Bardilas Jr. sa iyang 22 puntos. Sila si Jhake Villaver ug Rickdelson Cabigas mitampo og 12 puntos matag usa ug samtang si Filomeno Garces miamot og 11 puntos alang sa Dumlog nga nagbitbit og 3-0 nga baraha. 

Sa laing duwa sa seniors division, ang defending champion Tabunok 2 padayon sab nga midagit og daog pinaagi sa pagpilde sa Tanke, 93-85.

Sila si Peter Jake Alferez ug Reymond Tabar nagkumboya og 47 puntos aron pangulohan ang Tabunok 2, samtang si Brian Berbesada maoy nangulo sa pilderong Tanke sa iyang 25 puntos.

Ang San Isidro nakaipsot gikan sa mga kamot sa Biasong bitbit ang 96-95 nga kadaugan.

Puntos Matag Usa

Unang duwa:

(Seniors division)

Tabunok 2 (93) -- Alferez 24, Tabar 23, Caparida 14, Sunga 11, Echavez 6, N.I. Rabaya 5, Litorja 4, C.E. Rabaya 3, Jagupit 3.

Tanke (85) -- Berbesada 25, Lagurin 22, Mangaron 18, Tero 10 Delos Angeles 6, Villarias 2, Engbino 2.

Ikaduhang duwa:

San Isidro (96) -- Cabuenas 20, Maru 18, Sab-a 17, Oljol 12, Pavillon 11, Cañeda 10, Larao 6, Abunda 2.

Biasong (95) --

Arañas 35, Seguerra, 33, Abellana 12, Hogan 10, Largo 5.

Ikatulong duwa:

Dumlog (76) -- Bardilas 22, Jhake Villaver 12, Cabigas 12, Garces 11, Georsua 9, Ocañada 5, Basillote 3, Jhessen Villaver 2.

Tabunok 1 (70) -- Rios 23, Gaviola 13, Navaja 10, Meting 5, Ylaya 5, Bucao 5, Dablo 4, Econas 2, Popoy 2, Laburada 1. – BANAT NEWS