Alburo gitudlong presidente sa BTC

CEBU - Kanhi pambato sa Sugbu sa natad sa tennis nga si Bo Alburo maoy gipili nga molingkod isip presidente sa Belmont Tennis Club (BTC) nga nagbasi sa Minglanilla, Cebu.

Uban ni Alburo nga napili mao sila si Sammy Sayson (vice president), Ben Zozobrado (secretary), Lulu Adlawan (treasurer), Ian Gellaga (asst. treasurer), Roger Lapinig (auditor), Epil Abella, Nilo Undag ug Nato Leviste (peace officers) ug Edsel Nengasca (court manager).

Ang maong mga opisyales pormal nga nanumpa sa ilang katungdanan uban ni Minglanilla councilor Jojo Selma isip inducting officer atol sa simpleng seremonyas.

Si Alburo kinsa mao sab ang head coach sa University of San Jose-Recoletos (USJ-R) lawn tennis squad misaad nga iyang palambuon ang mga facilities uban ang paglaum nga maka-produce og tennis scholars sama niya.

Pasiunang kalihukan ni Alburo mao ang pagpasiugda og tennis clinic alang sa mga kabatan-onan sa matag adlaw'ng Sabado ug Domingo gikan sa ala-1 hangtod sa alas-3 sa hapon. (BANAT NEWS)