Cebuano runners modagan sa Singapore Marathon

CEBU- Kapin sa 20 ka mga Sugbuanon runners ang mopakita’g aksiyon sa Standard Chartered Singapore Marathon nga gikatakda karong Disyembre 7 didto sa Singapore.

Mangulo sa mga entrante mao ang mga sakop sa Cebu Executive Runners Club (CERC) nga naglakip ni Dr. Vic Verallo, CERC president Jesse Taborada, Meyrick Jacalan, Steve Ferraren, Dr. Tito Macaraig, Dodong Sulatre, Roel Militar, Hearthy Satina, Susan Verallo, Pearl Jacalan, JC Pineda, Cleofe Militar ug Annie Neric.

Mouban sab sa grupo mao ang fourth placer sa 2008 Mt. Kinabalu Climbaton nga si Leiszl Lumindas-Getaruelas ug Marlita Arias, Milo Marathon Cebu leg champion Madelyn Carter ug third placer Millete Chiongbian.

Modugan sab sila si Dr. Rosan Trani, Roy Trani, Dr. Nicole Chua, Joy Ong ug Atan Guardo.

Sila si Verallo, Taborada ug magtiayong Jacalan nisalmot sa Standard Chartered Hong Kong Marathon ning tuiga, samtang si Ferraren nidagan sa Los Angeles Marathon niadtong Marso. Si Pineda miapil sab sa Mt. Kinabalu Climbaton. Sila si Dr. Peter Mancao ug Dr. Yong Larrazabal nidagan sab sa Chicago Marathon.

Ang The Freeman sports columnist nga si Raffy Uytiepo dili kadagan sa Lion City run kay naapil kini sa National Masters Team nga morepresentar sa nasud alang sa Asian Masters Athletic Championships didto sa Chiang Mai, Thailand. - Banat News