Lao nidaog sa 2008 Bowling World Cup national title

CEBU - Napuhalan sa Sugbuanong si Kim Lao ang mga beterano ug bantugang bowlers aron pagsakmit sa 2008 Bowling World Cup national title didto sa SM Mall of Asia sa Pasay City.

Sa maong kadaugan, ang 18-anyos nga si Lao nakaangkon og katungod aron morepresentar sa nasud alang sa World Cup finals nga gikatakda karong Nobiyembre 7-15 adto sa Hermosillo, Mexico.

Si Lao mipukling nilang Liza del Rosario ug

Krizziah Tabora sa final showdown.

Sa match 1, si Lao mipukan ni Tabora, 2-0 sa ilang “best-of-three” nga sangka nga maoy nagtukmod sa UP Diliman Linguistics student sa pakigharong ni international campaigner del Rosario sa final.

Tulin kaayo ang duwa ni Lao pagsugod sa duwa aron pag-angkon sa unang frame, 219-128, hinuon, si del Rosario nakabawi sa sunod nga frame 188-124 aron pagpuwersa ngadto sa rubbermatch. Sa ikatulo ug final frame, si Lao mipabuhagay sa tanan niyang abilidad aron pagpukan ni Del Rosario, 207-174 alang sa korona.

Sa laing bahin, ang linghod nga si Jeff Carabaeo, mipakaging ni reigning world champion Biboy Rivera sa finals pinaagi sa sweep, 206-194 ug 248-192 aron pag-angkon sa titulo sa men’s division.