CEBU -Ang perennial secondary division champion University of Cebu (UC) mihakot og lima sa unom ka bulawan sa unang adlaw sa track and field events sa 13th Milo Little Olympics-Visayas kagahapon didto sa Cebu City Sports Center (CCSC).
Si Carl Jeanette Malazarte mipalambo sa iyang kaugalingon rekord sa 1,500m run gikan 4’38”09 ngadto sa 4’30”41 ning tuiga. Sa pikas bahin, si Vlessica Jagna mitali sab og bag-ong rekord nga 5’20”18.
Ang pambato sa UC sa shot put nga si Jasper Basister ug high jumper Sarah Mae Napoles nakakuha sab og maayong rekord ning tuiga. Si Basister nanghawod sa shot put event human niya nalabay ang bola sa gilay-on nga 9.87 metros, samtang si Napoles yano kaayo milabang sa high bar alang sa record height nga 1.4m.
Dili sayon ang naangkon nga kadaugan ni Napoles kay niagi pa kini og tie-breaker match uban sa iyang teammate nga si Kristie Kaye Vieno
Si Leslie Abad maoy mitunol sa ikalimang bulawan sa UC pinaagi sa women’s shot put. - BANAT