Ang National Basketball Association (NBA) defending champion Boston Celtics mikuha sa serbisyo sa 6-foot-7 nga point guard nga si J.R Giddens aron mopalig-on sa ilang kampanya sa umaabot nga NBA 2008-2009 season.
Ang kanhi guwardiya sa New Mexico nga si Giddens mao ang ika-30th pick sa miaging rookie draft pick. Ni-average siya og 16.3 puntos ug 8.8 ka rebounds atol sa iyang senior season.
Alang sa Celtics, mamahimong usa ka bililhon nga key player ang 23-anyos nga point guard tungod sa iyang lig-on nga depensa nga sulod sa korte.
Nakita sa kadagkuan sa Celtics nga andam na si Giddens nga moduwa sa NBA. Kahinumduman, si Giddens nakasuhan niadtong Mayo 2005 tungod sa pagpangulata ug pagpanunggab sa usa ka bar didto sa Kansas.
Human niadto nibalhin siya didto sa New Mexico diin nasuspenso siya sulod sa duha ka duwa sa iyang first season.