Ang hara sa karsada dinhi sa Sugbu nga si Leizl Lumindas-Getaruelas maoy nakakuha isip best placed Philippine entry sa 22nd Mt. Kinabalu International Climbathon didto sa Sabah, Malaysia.
Si Getaruelas mitapos sa ikaupat sa women’s open sa oras nga tulo ka oras, 49 minutos ug 35 segundos.
Ang iyang kaubang Sugbuanon nga si Merlita Arias nalandig gihapon sa ikasiyam nga dapit sa oras nga 4:21.18, samtang si Mona Liza Ambasa Eco sa Davao napunta sa 13th place sa oras nga 4:38.34.
Ang tulo ka mga sakop sa Philippine Sky Runners team nga gipangulohan ni Lumindas mipuhal sa unang duha ka Pinays sa summit sa Mt. Everest nga sila si Carina Dayondon ug Janet Belarmino, kinsa nalabay ngadto sa ika-16 ug ika-17 nga dapit sa oras nga 4:50.03 ug 5:04.22.
Laing Pinay nga si Merlie Edullantes napunta sa ika-18 nga dapit, samtang ang ikaupat nga sakop sa PSR nga si Maria Estela Diaz nalabog sa ika-26 nga dapit.