Palang bayani sa T. Padilla
Ang team T-Padilla ubos sa liderato ni Lindo Palang miluba sa Barangay Sta. Cruz, 96-88 atol sa ilang mainitong engkwentro gabii sa 1st Mary Ann delos Santos Inter-Urban Basketball Tournament didto sa Sambag-I Sports Complex, ning siyudad.
Miulbo dayon ang duwa dihang mipabuhagay ang duha ka koponan sa ilang mainitong opensa ug nagsinukliay pa kini og mga puntos, apan ang Sta. Cruz maoy midominar sa unang tulo ka kuwarter. Hinuon, wala kini makabiya og daku ug igo lang mi-iskor og 63-62 sa paghuman sa third quarter.
Apan ang T-Padilla hinay-hinay nga mitikdol sa sayong bahin sa katapusang kuwarter hangtod nga ilang nakuha ang momentum ug nadagit ang daog.
Si Palang maoy topscorer sa T. Padilla pinaagi sa iyang 34 puntos, samtang si Niño Nestor Iso kinsa mipupo og 25 puntos mao sab ang nangulo sa pilderong Sta. Cruz.
Sa laing duwa, gipanitan sa Sambag-I ang silingang koponan Sambag-II sa iskor nga 90-89. Ang Sambag-I gipangulohan ni Totong Villanueva sa iyang 34 puntos, samtang ang Sambag-II gipangulohan sab ni Bobby Castro pinaagi sa iyang 22 puntos.
Ang maong torneyo gipasiugdahan ni Lahug barangay captain Mary Ann de los
Puntos Matag
T-Padilla (96) -- L. Palang 34, J. Compra 17, T. Reyes 13, R. Igay 9, Stamaria 8, Fernandez 6, T. Polar 4, D. Linda 3, D. Gemino 2
Sta. Cruz (88) -- N. Iso 25, R. Zamora 19, M. Subang 15, M. Subang 9, R. Iso 7, J. Obregon 7, D. Santillan 4, T. Avila 2
- Latest
- Trending
