Norwood wa motunga sa rookie camp

Wala motunga si Fil-Am   Gabe Norwood sa unang adlaw sa Philippine Basketball Association (PBA) Rookie Camp niadtong miaging adlaw didto sa Emilio Aguinaldo Gym, Manila City.

Si Norwood nga maoy gikaintapan nga mamahimong no. 1 pick sa umaabot nga 2008 PBA Rookie Draft karong Agosto 30 giingong atua sa Estados Unidos aron atimanon ang usa ka personal nga butang.

Ang liga mihatag lang   hangtod sa Agosto 29 pagduso sa mga rekisito sa mga Fil-Am players nga gustong magpapili sa umaabot nga draft, lakip na niini mao ang mga dokumento gikan sa Department of Justice ug Bureau of Immigration.

Mga Fil-Am players nga misalmot sa Rookie Camp naglakip nilang Sol Mercado, Rob Reyes, Kevin Dalafu, Jared Dilinger, Christopher Viardo ug Michael Waters.

Karong adlawa, ang PBA commissioner's office mopagawas sa opisyal nga lista sa mga kandidato alang sa umaabot nga annual draft. (Lemuel P. Maglinte)