Team Remember mimasaker sa Jeff's Pharmadent
Ang team Remember sa host Consolacion milusad og makalisang nga pangatake sa fourth quarter aron pagmasaker sa Jeff’s Pharmadent, 68-55 sa nagpadayong aksiyon sa
Padala Under-21 Developmental Basketball League didto sa Consolacion Sports Complex.
Hinugtanay sa bakus ang gipakitang engkuwentro sa duha ka kampo gikan sa pagsugod nga miresulta ngadto sa panagtabla, 31-all paghuman sa first half, apan ang mga sinaligan sa Remember ni Consolacion Vice Mayor Ember V. Alinsug ug coach Paul Alelu Q. Flores nakakita’g paagi sa third quarter aron pagbaton og sayes puntos nga bentaha, 50-44 pag-entra sa final quarter.
Ang team Remember padayong mitanom og mga puntos sa katapusang kuwarter diin ilang gilupig sa pinuntosay ang Jeff’s Pharmadent 19-11 aron pagposte og 13 puntos nga kadaugan.
PUNTOS MATAG
REMEMBER (68) -- Dahil 17, Valle 15, Gonzaga 8, Medida 6, Somosot 6, Ermac 6, Dumaguit 4, Pilapil 4, Ponce 4
JEFF’S PHARMADENT (55) -- Tiu 12, Resilla 10, Fernandez 7, Tagaloguin 7, Dinsay 6, Lasala 3, Adlawan 3, Castañeda 3, Cipres 2, Areja 2
- Latest
- Trending
