Milansang og laing daog ang Tambuli dihang ilang gilubong ang John Videoke, 92-69 sa Lapu-Lapu Basketball Association (LLBA) Fiesta Conference.
Ang maong kadaugan maoy panimalos sa Tambuli gumikan kay napilde kini sa kampiyonato sa miaging season diin ang John Videoke maoy nidaog.
Ning higayona, ang Tambuli nagsalig sa ilang balanseng opensiba diin upat sa ilang mga magduduwa mitali og double-figures. Si Pompe Nguho mirehistro og 17 puntos aron pangulohan ang Tambuli, gisundan ni Nelson Suico nga mihipos og 13 puntos, samtang sila si Xavier Castueras ug Temor Fortugaliza miabuno og 10 puntos matag usa.
Ang naparot nga John Videoke gipangulohan ni Glen Aying pinaagi sab sa iyang 17 puntos.
PUNTOS MATAG USA
TAMBULI (92) -- Nguho 17, Suico 13, Castueras 10, Fortugaliza 10, Malinao 9, Ybañez 7, Lapoja 6, Lumacad 6, Ompad 4, Igot 2
JOHN VIDEOKE (69) -- Aying 17, Acuna 16, Paquibot 14, Daluz 12, Gomos 10, Labadan 9, Llenes 6, Arces 2