Ginebra naghari sa SMART-PBA Fiesta Conference

Milampos ang Barangay Ginebra Kings sa paglangkat sa kampiyonato sa 2008 Smart-PBA Fiesta Conference dihang ilang gibuntog ang Air21 Express sa iskor nga 97-84 sa Game-7 sa ilang “best of seven” finals series gabii didto sa Araneta Coliseum, Quezon City.

Ang maong torneyo mao untay labing unang kampiyonatong matagamtaman sa Air 21 sukad nga nisulod sa PBA niadtong 2002.

Ang forward sa Kings nga si Erik Menk miposte og 21 puntos sa maong duwa lakip na niini ang iyang otso puntos sa third quarter, si Menk milangkat usab og 13 ka rebounds.

Apan si Bo Perasol, coach sa Express nakakita og paging mapugngan ang opensa sa Kings ug nakatabla sa  tungang bahin sa third quarter sa iskor nga 80-80.

Wala hinuon mopasagad ang Barangay Ginebra ug subling giilog ang renda sa duwa ulahing minuto sa third kwarter ug miposte og labaw.

Gikan sa fourth kwarter nagkamas na ang Air 21 pag-apas sa gap nga gibutang sa Kings.

Wala usab magpalupig sa puntos ang bag-uhay pang nakabalik sa duwa gumikan sa injury sa semis nga si Ronald Tubid kinsa miposte og 21 puntos.

Mitampo usab ang  import sa Kings nga si Chris Alexander  og 16 puntos uban ang 18 ka rebounds bisan paman og nagtangag na kini og lima ka fouls sa sayong bahin palang sa third quarter.

Ang pilderong Express gipangulohan sa ilang import nga si Steven Thomas nga mipupo og 24 puntos, walo ka rebounds ug lima ka assists, samtang si Arwind Santos midiga og 19 puntos samtang 18 puntos usab ang giamot ni Gary David sa ilang koponan apan napakyas gihapon sa  paglangkat sa ilang labing una untang kampiyonato sa PBA.