Mayol daug pinaagi sa split-decision

Gisakmit ni Rodel “Batang Mandaue” Mayol ang Philippine light-flyweight title dihang gipukan niya si Ardin Diale sa seventh round pinaagi sa usa ka split-decision niadtong miaging gabii didto sa Puerto Galera , Oriental Mindoro.

Ang bata ni Manny “Pacman” Pacquiao nga si Mayol maoy mipatigbabaw sa score card human gipahunong ilang away sulod sa pito ka round dihang nagisi ang walang kilay ni Diale human aksidenteng nagbangga ang ulo sa duha ka boksidor nausban pa kini sa fifth round nga nakapa-aghat sa referee nga kuhaan og uno puntos si Mayol, apan bisan paman sa maong pag-iban og uno puntos kang Mayol, siya gihapon maoy naka-angkon sa mas taas nga iskor sa tulo ka hurado itandi kang Diale ; 66-65, 67-65, og 66-65.

Si Juanito Ablaca nagkanayon nga si Mayol maoy nilabaw sa unang upat ka round samtang si Diale igo lang nakabalik atol sa fifth round.

Si Mayol (25-3 , 19 KOs) unang nidaug walo katuig na ang nilabay dihang gipatumba niya si Al Tarazona arun masakmit ang Philippine minimumweight title. Niadtong Agosto 4, 2007 si Mayol nahatagan og kahigayunan makigsangka alang sa International Boxing Federation (IBF) Light-flyweight nga gikuptan sa mehikanong si Ulises Solis , apan pakyas kini dihang gipatumba siya sa Mehikano sa eight round.