Pacquiao mahutdan og hangin- El Terible
Ang kanhi WBC/WBO seven-time world champion nga si Erik “El Terible” Morales mipasidaan sa kanhi higpit niyang kaatbang nga si Manny ‘Pacman’ Pacquaio nga dili sayon ang iyang sagubangun kung idayon niya iyang pakig-away kang Oscar De la Hoya karong umaabot nga Disyembre 6 didto sa
Ang 31-anyos nga si Morales mitambag kang Pacquiao nga maglisud siya sa maong away tungod sa pagsaka niya og timbang gikan sa lightweight (135 pounds) ngadto sa mas daku nga welterweight (147 pounds) ang mamahimung epekto niini mao ang paghinay ni Pacquiao, dungan usab sa pagkawagtang sa kapaspas sa lihok ni Pacquiao , mao ang daling pagkaluya og pagbati’g kakapoy sa Pinoy kung idayon iyang away sa mas dakung timbang. “Pacquiao will simply be tired by the sixth or seventh round, nothing more to it than that,” matud pa ni Morales.
Si Morales nahimung higpit nga kaatbang ni Pacman diin nag-abot sila sa ikatulo ka higayun, sa una nilang panagsangka niadtong Marso 19, 2005 gilupig ni Morales ang Pinoy pinaagi sa unanimous decision, apan sa ilang rematch niadtong Enero 26 ,2006, gipaluhod ni Pacquiao si Morales sa round ten ug giusban siya ni Pacquiao niadtong Nobiyembre 18 sa susamang tuig pinaagi sa pagpatumba niya sa round three.Apan human sa ilang panagribal, nahimong suod nga maghigala ang duha ka boksidor.
Sa laing bahin, sama ni Morales ang WBC President nga si Don Jose Sulaiman dili usab uyon sa Pacquiao vs De la Hoya fight , nagkanayun si Sulaiman nga bilib siya sa kamaayo ni Pacquiao apan gamay ra siya kung itandi kang De la Hoya , mitambag usab siya kang De la Hoya nga dili si Pacquiao iyang sangkaun kundi ang bag-ong WBA Welterweight champion nga si Antonio Margarito.
- Latest
- Trending
