Unilink, Ave Maria nidaog sa Vic Enterprises League

Mipatigbabaw ang kusog sa mga batan-on batok sa mga beterano  dihang ang Unilink Shipping mipukan sa Golden Lines, 106-95 sa ikaduhang adlaw sa Vic Enterprises Invitational basketball tournament didto sa Cebu Eastern College (CEC) sa dalan Dimasalang, ning siyudad.

Ang kakusog ug kaabtik sa guwardiya sa Unilink nga si Aaron Pancho ug ang height advantage ni ex-CIT Wildcat Emilio Aniñon Jr.  maoy dakung babag sa Golden Lines tungod kay dili na mapiog ang ilang kamangtas.

Si Pancho miposte og 23, samtang si Aniñon adunay 22 puntos.

Sa laing duwa, gilubong sa Ave Maria Sanctuary Park nga gipangulohan sa ex-PBA star  Marlon Piodo ang Boysen Paints sa iskor nga 83-53 .

PUNTOS MATAG USA

Unang duwa

Unilink (106) -- Pancho 23, Aniñon 22, Labajo 17, R. Aniñon 16, Gabatan 9, Capoy 7, Yap 6, Baclay 4, Caparas 3

Golden Lines (95) -- Dela Pisa 14, Cuyno 13, Cainglet 12, Ortega 12, Cenabre 11, Sestoso 10, T. Lim 10, Armenion 4, Jayme 4, R. Lim 3, Uy 2

Ikaduhang duwa:

Ave Maria (83) -- Piodo 14, Desuyo 14, Hatague 12, Lapiz 11, Rodriguez 8, Senining 7, Belano 6, Pogoy 5, Salacut 2, Ramos 2, Saramosing 2
Boysen (53) --Ramodes 10, Laguna 9, Tan 8, Suico 6, Choachuy 6, Lim 4, Perez 4, Dicatoria 4, Baladya 2