Tulo ka Cebuano swimmers nadala sa POF national finals

Tulo ka Sugbuanong swimmers nga sila si Michael Ichiro  Kong ug ang managsuong  Anthony ug Lyh Ann Lim  ang nakahig alang sa Philippine Olympic Festival (POF) National Finals  karong Oktubre 23-26 didto sa Misamis Oriental.

Si Kong naapil sa boys 9-under category, samtang si Lyh Ann Navarro sa girls 9-under division ug ang iyang igsuon nadala sa boys 10-under class.

Ang tulo ka masaarong  swimmers ni coach Rolando Alvarez nadala pinasikad sa sistema nga gisubay sa Philippine Amateur Swimming Association.  

Gawas ni Kong ug sa managsuong Navarro, laing 10 ka Sugbuanong  swimmers ang nakakuha sab og IMX awards nga gihatag  sa organizers.

Si Kong nakakuha og titulo sa boys 9-under human mihakot og upat ka bulawan ug usa ka silver. Si Lyh Ann mibira sa IMX silver sa habig sa babaye human mikabkab og usa ka bulawan ug upat ka silvers, samtang si Anthony Lynn nidaog og bulawan sa 10-under human maghari sa tanang lima ka events nga iyang giduwaan ubos sa boys 10-under division.

Ang laing IMX gold medal awardees gikan sa Sugbu mao sila si Paula Abigail Vega sa girls 16, Noel Cañeda sa boys 17 ug Merylyn Silva sa girls 13.

Ang silver awardees mao sila si Michael David  Vega ug Mary Arlette Baller, samtang ang bronze winners mao sila si Matheus  Ceasar Galo, Danielle Angela Biscocho, Joyce Huguete, Pierre Niño Baguio, Norie Joy Long ug Aimee Sanchez.