Ang Triple A All Stars ubos sa pagpangulo sa ilang presidente nga si Jiji Tabaña nakaipsot batok sa AC Sports pinaagi sa pag-iskor og 68-64 nga kadaugan ug magpabiling walay pilde sa Triple A Summer League basketball tournament diha sa Kimwa gym sa Mandaue City.
Nabiyaan og kuwatro puntos sa halftime, 32-36, ang Triple All-Stars migamit og solidong depensa aron makakuha’g 54-39 nga abante sa paghuman sa third period.
Mihulga ang AC Sports sa fourth period aron pagtabla sa iskor, 64-all, apan ang passing error ni Jonjie Quijano ngadto ni Larry Villanil maoy nahimong hinungdan sa ilang kapildihan.
Sila si Tabaña ug Tony Cabucos maoy nangu sa Triple A pinaagi sa ilang 15 ug 14 puntos matag usa, samtang si Rany Cruz maoy nangu sa AC Sports sa iyang 19 puntos ug si Villanil mitampo og 16 puntos.
PUNTOS MATAG USA
Triple A (68) -- Tabaña 15, Cabucos 14, Gomos 13, Gogo 12, Almario 6, Tampipi 4, Martillan 3, Dimpas 1
AC Sports (64) -- Cruz 19, Villanil 16, Quijano 6, Baba 6, Martinito 6, Toborada 4, Quilab 3, Ganda 2, Retiza 2