"Sinukmagay sa Tabunok 2008" banatan na karong gabii

Mga bag-ong tubo nga buot mosunod sa lakang ni Manny Pacquiao moladlad sa ilang abilidad sa ipahigayong Sinukmagay sa Tabunok 2008 karong gabii diha sa Tabunok tricycle parking area, sa Talisay City.

"Search for Future Manny Pacquiao" maoy tema sa maong torneyo tungod kay dakung damgo sa mga Talisaynon nga makabaton og boksidor sama ni Pacquiao nga nabantog na kaayo sa tibuok kalibotan.

Adunay 26 ka away ang gihan-ay sa maong torneyo diin sa main event si  Kitseron Garces kinsa wala pa makatilaw og pilde sa tulo ka away sukad sa natukod ang TACABA makigsangka ni Ricardo Lopez sa Manduae City sa 23kgs., si Bob Anthony Bacus nga nagbitbit sab og 3-0  makigbinukbukay ni Loyd Simblante alang sa  30kgs.

Lain pang moaway mao sila si Marco Pumar vs. Richard Rama (24 kgs), Senrick Joshua Bacus vs. Reson Tavona (26 kgs), Nilo Gean Yray vs. Jefrey Estela (29 kgs), John Paul Caday vs. Eugene Urot (31 kgs), Brian Abaquita vs. Carlo Naparate (33 kgs), John Micheal Masong vs. Fernando Noya Jr. (34 kgs) ug Elerton Bacus vs. Junrel Rosales (50 kgs), Marvin Pumar vs. Bonie Campaña (23 kgs), Rodney Delfino vs. Wimer Pilando (25 kgs), Jomar Albia vs. Arvin Manayaga (21 kgs), Christopher Manayaga vs. Arve Dejos (23 kgs), Sede Nobefranca vs. Adrian Orbiso (25 kgs), Paul Kim Castro vs. Arclen Briones (27 kgs), Warren Cajes vs. Cresmart Arsolon (27 kgs), Richard Ybañez vs. Pacifico Villaver (28 kgs), Jay Ababon vs. Steven Noblefranca (35 kgs), Romeo Britania vs. Alex Barguio (44 kgs), Leomark Sedantes vs. Patrick Carcueva (45 kgs), Noel Yanong vs. Rodolfo Samonte (50 kgs), Jovec Navani vs. Jonathan Soringa (46 kgs), Jetro Abellana vs. Dodong Deharisco (44 kgs), Jomar Fajardo vs. Darwin Tayo (55 kgs) ug Jason Cedeño vs. Rene Sedentaryo (60 kgs).

Ang maong torneyo gipasiugdahan sa TACABA (Talisay City Amateur Boxing Association) promotions nga gipangulohan ni Hon. Resty 'Toto' Seville (president), Teddy Alivio (Internal V-Pres), Osmundo Manreal Jr. (External V-Pres), Edwin Enenan (Secretary), Valeriano Ylanan (Treasurer), Raul Cabañero (Auditor), Charles Basillote ug JR Bas (PRO’s); uban sa suporta sa Talisay City Sports Commission ubos sa liderato ni Hon. Rudy Cabigas  ug sa Coca-Cola Bottlers Philippines.