Sa matinding tatlong sunod na laban sa loob ng isang linggo, ipinakita ni Kelvin Dela Peña kung bakit siya nanalong Most Valuable Player noong nakaraang taon.
Sa likod ng kanyang mga averages na 12 puntos, 8 rebounds, 5 assists at 2 steals kada laro para sa Mapua, tinanghal ang FilCanadian na si Dela Peña bilang NCAA Press Corps Player of the Week sa 84th NCAA men’s basketball tournament.
“I’m glad and thankful people recognizes my efforts,” sambit ng 6-foot-2 na si Dela Peña, nagbida sa tatlo sa apat na sinasakyan ngayong winning streak ng mga Cardinals.
Sa likod ng kanyang all-around plays, kinilala si Dela Peña bilang MVP noong 2007 sa gitna ng dominasyon ng San Beda Red Lions sa ikalawang sunod na taon.
“But my main focus right now is to help the team win because nothing would make me happy than to lead my team to winning the title,” wika ni Dela Peña.
Si Dela Peña ang inaasahan ni coach Leo Isaac na magpapasok sa Mapua sa Final Four.
Tinalo ni Dela Peña para sa naturang weekly honor ang kanyang mga katropang sina rookie Allan Mangahas at Neil Pascual. (RCadayona)