Wala nang problema kay Pacquiao

Wala nang nakikitang problema ang Philippine Olympic Committee (POC) hinggil sa pag-apruba ng Beijing Olym­pic Organizing Commit­tee sa nahuling akreditas­yon ni Filipino world four-division champion Manny Pacquiao.

Sinabi kahapon ni POC chairman Robert Aven­tajado na dadaan la­mang sa isang ‘proce­dural stage’ ang 29-an­yos na si Pacquiao para ma­kapasok sa China ukol sa 29th Olympic Ga­mes sa Beijing sa Agosto 8-24.

“Ngayon, pinapro­cess na ‘yung regular visa para kay Manny Pac­quiao kasi hindi na siya umabot sa pre-arrival identity and accreditation card,” wika ni Aventajado kay Pacquiao, ang hini­rang ni Pangulong Gloria Macapagal-Arroyo bilang Special Envoy at ‘flag bearer’ ng Team Philip­pi­nes sa 2008 Beijing Ga­mes.

Hindi tulad ng mga mi­yembro ng dele­gas­yon, kailangan pa ni Pac­quiao, ang bagong World Bo­xing Council (WBC) light­weight champion, na hin­tayin ang kanyang vi­sa bago makapasok sa Chi­na.

Pamumunuan ni Pac­quiao ang Team Philip­pines na tinatampukan nina national swimmers Miguel Molina, JB Walsh, Ryan Arabejo, Daniel Coakley at Cristel Simms, divers Shiela Mae Perez at Rexel Ryan Fabriga,  jins Tshomlee Go at Ma­ria Antonette Rivero, bo­xer Harry Tana­mor, ar­cher Mark Javier, shooter Eric Ang, long jum­pers Henry Dagmil at Ma­res­tella Torres at weight­lifter Hidilyn Diaz. (RC)