Basketball training sa barangay Day-as
Human sa nagkadaiyang mga basketball clinics niadtong miaging mga bulan, ang beteranong basketball trainer nga si coach Eddie Montalban walay hunong sa pagtudlo og mga basic fundamentals pinaagi sa pagpahigayon og clinic ning bulana.
Si Montalban, pinaagi sa Cebu Institute of Basketball Training Camp, mopahigayon og duha ka buwan nga basketball training alang sa mga lalaki ug babaye diha sa barangay Day-as gym sugod karong Hulyo 21.
Ang maong training gitumong alang sa mga mahiligon og basketbol gikan sa 15-anyos ug pataas, apan 20 lang ka entrante ang kuhaon ug ipaagi sa first-come first-served basis.
Ang training himuon gikan sa adlaw'ng Lunes hangtod Sabado sa alas 11 sa buntag ngadto na sa alas-2:00 sa hapon.
Ang registration fee P250 matag
Niadtong buot mokat-on, gi-awhag sa pagparehistro didto sa Day-as barangay hall nga anaa mahimutang sa Imus ug Sikatuna streets.
Si Montalban, kinsa maoy trainer sa tinuig nga YMCA basketball clinic, coach kaniadto sa Cebu Technical School (CTS) ug sakop sa coaching staff sa University of Cebu sud sa dugay’ng panahon ug nibalhin sa iyang alma mater University of San Carlos (USC).
Ang mga partisipante sa training tudloan sa hustong pamaagi sa pag-dribble, pagpasa sa bola ug hustong porma sa pagtira ug uban pa.
- Latest
- Trending
