Gilamoy lang sa Atan Guado ang 10 puntos nga alkanse sa unang kuwarter aron pagpukan sa Sitio Pailub, 98-86 sa basketball event sa 2008 Sambag I Summer Sports League didto sa Sambag I Sports Complex, ning siyudad.
Nalubong og 10 puntos, 25-35 sa first quarter, ang Atan Guardo nga gipangulohan ni Totong Villanueva mirumbo sa Pailub sa sunod nga duha ka kuwarter aron pagposte og 14 puntos nga bentaha, 84-70 sa katapusang kuwarter.
Namintinar sa Atan Guardo ang ilang double digits nga labaw sa nanghinapos nga bahin sa duwa aron pag-angkon og 12 puntos nga kadaugan.
Si Villanueva maoy nag-una sa mga scorers sa Atan Guardo sa iyang 28 puntos.
Ang Summer League gipasiugdahan sa Sambag I Barangay Council ubos sa liderato ni Brgy. Capt. Jerry L. Guardo uban sa pag-abag ni sports patron Jonathan ‘Atan’ Guardo sa Uniherb Philippines, ang tiggama sa nabantog na kaayong food supplements sa nasud sama sa Arthro, Heartvit, Kidney Care ug Diabet.
PUNTOS MATAG USA
ATAN GUARDO (98) -- Villaueva 28, Alvarado 19, Rio 17, Jumao-as 17, Lastimoso 10, Faciol 7
PAILUB (86) -- Renstone 28, Valle 22, Tibu 18, Mancao 10, Onggo 6, Turo 2