Mohon kampiyon na

Wala makapiog ang Sitio Kabarang sa puwersang giburak sa Sitio Mohon ug naparot kini sa iskor nga 64-72  atol sa ilang championship match sa SK Barangay Sapangdaku Summer Sports League 2008 didto sa Sitio Lupa Basketball Court, Sapangdaku, ning dakbayan.

Hinugtanay sa bakus ang duwa sa pagsugod diin ang Sitio Kabarang milabaw lang og uno punto, 18-17 ug tungod sa kasikit sa engkuwentro nagtabla ang iskor paghuman sa first half, 32-all. 

Sa ikatulong kuwarter diha na mibuylo og maayo ang Sitio Mohon aron pag-angkon og siyete puntos nga bentaha sa iskor nga 54-47 ug ila na nga nakontrolar ang duwa.

Ang  SK Barangay Sapangdaku Summer Sports League 2008 gipasiugdahan sa Sangguniang Kabataan nga gipangulohan ni   Adroel Jay Gacayen uban sa suporta sa Barangay Council ubos sa liderato ni Brgy. Capt. Henreo G. Labra.

PUNTOS MATAG USA

MOHON (72) -- Arbasto 16, Soco 11, Barrientos 11, Badayos 10, Ilustrisimo 8, Tulisana 8, Soco 6, Tulisana 2

KABARANG (64) -- S. Gavudiola 18, Zabate 11, Sabal 6, Miñosa 6, Zabate 5, Taboada 5, Panal 5, Maban 4, Panal 4, Fernandez 2  (Arnie P. Atuel)