Makabungog nga lubong ang gipahamtang sa Atan Guardo ngadto sa Power Joints, 92-65 sa basketball event sa 2008 Sambag I Summer Sports League didto sa Sambag I Sports Complex.
Ang Atan Guardo mipabuto og mga puntos aron pahamtangan og 16 puntos nga lubong ang Power Joints sa unang kuwarter, 36-20.
Wala panumbalinga sa Atan Guardo ang nagkagidlay nga Power Joints ug ila pa nga gipalapdan ang ilang labaw ngadto na sa 20 puntos, 69-49 pagsugod sa katapusang kuwarter.
Nagkagamay ang oras, nagkadaku sab ang labaw sa Atan Guardo ug miabot na kini ngadto sa 27 puntos, ang labing dakung demolisyon nga nahimo ning tulo ka buwan nga torneyo nga gipasiugdahan sa Sambag I Barangay Council ubos sa liderato ni Brgy. Capt. Jerry L. Guardo uban sa pag-abag sa Uniherb Phils., ang tiggama sa usa sa nag-unang food supplement sa nasud sama sa Arthro, Kidneycare, Heartvit ug Diabet.
PUNTOS MATAG USA
Atan Guardo (92) Tampus 20, Sanchez 20, Alvarado 13, Doroliat 12, J. Guardo 11, Cabrera 9, Lemana 5, Ipong 2
Power Joints (65) -- Cabrera 20, Abella 12, Gocotano 10, Mahusay 10, Cabrera 5, Tiempo 4, Padillo 4