Gemmary nakabawi

Nakabawi ang Gemmary Batch “70/81 gikan sa ilang kapildihan ngadto sa  Arthro dihang ilang gipahimungtan ang Sustagen Batch ‘83 pinaagi sa pag-iskor og 83-76 nga kadaugan sa nagpadayong aksiyon sa 2008 San Carlos Boys High Alumni Basketball Association (SCBHABA) season  didto sa University of San Carlos (USC)-North Campus gym, ning siyudad.

Sikit  kaayo ang  maong engkuwentro gikan pagsugod hangtod nga nahuman ang duwa, apan ang Gemmary mibulhot sa nanghinapos nga bahin aron pagkandado sa kadaugan.

Ang Gemmary milabaw  lang  og singko puntos sa ikatulong kuwarter sa iskor nga 70-65 ug milampos human nila masumpo ang   tinguha sa Sustagen nga mosuway og ilog sa labaw sa daginutong oras sa maong duwa.

PUNTOS MATAG USA

GEMMARY (83) --  Gacayan 23, Wong 21, Sabornido 14, Caballero 10, Medina 8, Cavalida 5, Monterroyo 2

Sustagen (76) -- Gerali 33, De la Rosa 10, De la Cruz 9, Sanico 8, Delgado 6, Lim 4, Apuran 2, Honorio 2, Lee 2