Ang Barangay Calape mikulit og kasaysayan isip labing unang kampiyon sa 1st Mayor Sun J. Shimura Women’s Volleyball tournament didto sa lungsod sa Daanbantayan sa amihanang bahin sa Sugbu.
Ang barangay Calape ug Tapilon maoy nag-abot sa kampiyonato diin ang Calape midaog og tulo sa upat ka sets.
Ang Tapilon nahimutang sa ikaduhang dapit, samtang ang barangay Poblacion mipahiluna sa ikatulo.
Ang awarding ceremonies himuon karong adlawa nunot sa pagsaulog sa adlaw sa kaugalingnan didto sa Rizal Plaza.
Si Mayor Shimura mao mismo ang motunol sa award ngadto sa mga mananaog.
Gawas sa mga tropeyo, ang Calape makadawat sab og P5,000, ang Tapilon makabulsa og P3,000 ug ang Poblacion makaangkon og P2,000.