ERT Underbone Dirt Racing himuon ugma sa Kalunasan

Kulbahinam nga aksiyon ang masaksihan ugma sa ipahigayong ERT Underbone Motorcycle Dirt Racing  diha sa  Oprra  sa Brgy. Kalunasan, ning dakbayan.

Sugdan ang aksiyon sa alas-6:00 sa buntag.

Ang usa ka adlaw  nga kalihukan gitunga sa duha ka  kategoriya -- ang beginners ug novice.

Ang  aksiyon sa beginners  himuon sa buntag ug novice tigian  sa hapon.

Ang nag-unang tulo ka mga mananaog sa matag dibisyon makadawat og ganting salapi ug tropeyo.

 Matud pa ni Jessie Garcia, ang presidente sa ERT nga maoy  nangusog sa maong kalihukan nga ang tumong sa ilang pagpahigayon  niini aron magkahiusa ang ilang kahugpongan.

Gipahigayon sab ang maong kalihukan isip kabahin sa kapistahan sa Our Lady of Perpetual Help, ang patron sa barangay Oprra.