Cebu mikabkab 3-1-1 medals
Ang mga pambato sa Sugbu mikabkab og tulo ka golds, usa ka silver ug usa sab ka bronze sa 2008 National Open Pencak Silat Championships sa miaging adlaw diha sa Cebu City Sports Center (CCSC).
Si Hensy Quiñanola mipakita sa iyang imprisibong labok sa women's tunggal o single jurus action aron pagdaog og bulawan batok ni Jo-ann Hallares sa
Hinuon, si Quiñanola pakyas pagkabkab sa ikaduhang bulawan dihang miyukbo siya ngadto ni Hallares sa women's tanding o kumbati ubos sa 45-40 kgs. division.
Laing duha ka Sugbuanon nga sila si April Grace Pilarca ug Alexis Enad, mihakot sab og bulawan sa ilang tagsa-tagsa ka dibisyon nga walay kontra.
Walay kontra si Pilarca sa 55-60 kgs. category, mao sab ni Enad nga walay kaatbang sa juniors class E (51-54 kgs.) class.
Sama ni Pilarca, si Aiden Huminis sa Zamboanga wala say kontra sa 50-55 kgs. category.
Sa men's seniors, ang bulawan gibahin-bahin ngadto sa nagkalain-laing mga koponan diin si Joe Peter Soriano maoy midominar sa 45-50 kgs. class batok ni Nadzkie Asmad sa Zamboanga.
Si John Mark Coronel sa Zamboanga-B maoy nanghawod sa 50-55 kgs. category batok ni Archie Puasa sa
Sa 60-65 kgs. division, si Herald Padi sa Zamboanga maoy nakatag-iya sa bulawan pinaagi sa pagpilde ni Jeaboy Palma sa Iloilo, samtang si Ellias Abdulhakim sa Sulu mao sab ang mikabkab og bulawan sa 65-70 kgs. category.
Lain pang mga mananaog mao sila si Juanillo Ballesta sa Iloilo sa 70-75 kgs. category, Lemuel Estrada sa Zamboanga sa 80-85 kgs.
Sa juniors division, si Jeffrey Tingco maoy naghari sa 39-42 kgs. class, samtang si Noemi Bernardo mao sab ang nanghawod sa 42-45 kgs. division.
- Latest
- Trending
