Nahagtos ang walo ka sunod-sunod nga daog sa Diabet dihang nadisgrasya sa igsuong koponan nga Heartvit, 99-88 sa 2008 San Carlos Boys High Alumni Basketball Association (SCBHABA) season didto sa San Carlos-North campus gym.
Ang two-time “Sportsman of the Year” awardee sa Sportswriter Association of Cebu (SAC) mirehistro og season-high 22 puntos aron pangulohan ang Heartvit ug ingon man pagpakgang sa nagkadinang daog sa Diabet.
Si Arturo Pepito Mata miabag sab ni Guardo pinaagi sa iyang 18 puntos diin ang Heartvit wala na molingi human nakabentaha og tres puntos, 35-32 sa unang kuwarter.
Gitak-op sa Heartvit ang first half sa iskor nga 52-45 ug nagkalawom ang lubong pagsugod sa katapusang kuwarter nga miabot og 12 puntos, 82-70.
Si Edmund Odulio maoy nangulo sa Diabet nga mikulit sab og season-high 33 puntos, samtang si John Andrew Auza miabuno og 23 puntos sa maong kapildihan.
Puntos Matag Usa
HEARTVIT (99) -- Guardo 22, Mata 18, Avila 13, Congson 11, Gabas 10, Romarate 8, Romero 6, Amores 4, Villamor 3, Monsanto 2, Catubig 2.
DIABET (88) -- Odulio 33, Auza 23, Monterroyo 13, Tajanlangit 10, J. Guardo 6, Pangapulan 3.