Liga Pilipinas pormal nga ilusad karon

Ang bag-ong namugna nga basketball league -- Liga Pilipinas pormal nga ilusad pinaagi sa sunod-sunod nga mga kalihukan karong adlawa  diin sugdan kini pinaagi sa yano nga programa sugod sa alas-6:30 sa gabii diha sa Grand Ballroom  sa Casino Español de Cebu.

"We are very excited about the opening of the Liga Pilipinas. It's a long process to put up a project to help develop Philippine basketball. We want to cultivate a healthy atmosphere among our young basketball talents," matud pa ni Liga commissioner Noli Eala atol sa press conference kagahapon didto sa Yayoy's Grill and Resto Bar.

"Liga Pilipinas is far greater and wider interest in order to professionalize community basketball in the Philippines. This is a milestone event," dugang pa ni Eala, kinsa mao sab ang presidente ug CEO sa Pinoy Basketbol Incorporated.

Giklaro hinuon ni Eala nga sa usa ka team kinahanglan adunay walo ka home-grown talents. Mahimo sab sila mokuha'g duha ka mga ex-pros ug usa ka Fil-foreign player nga isal-ot sa ilang line-up.

Katorse ka teams ang mopakita'g aksiyon nga pangulohan sa Cebu Niños ug Pampanga Buddies, ang mga kampiyon sa Southern ug Northern leg pre-season. Ang lain pang mga koponan naglakip sa Ilocos Snipers, Baguio Victory, Laguna Stallions, Quezon, Cavite Heroes, Lipa Barakos ug Taguig alang sa Southern League ug Misamis Oriental Meteors, Iloilo Warriors, Zamboanga Amores, Ozamiz Cotta ug Pagadian Explorers alang sa North.

Ang kumbati unya pa sugdan sa Hunyo 11 sa wala pa matino nga binyu diin ang NBN channel 11 nakakuha og katungod nga mokober sa mga duwa. 

Lain pang mitambong sa press launch mao si event host ug Cebu Niños head coach Raul 'Yayoy' Alcoseba, Liga basketball operations head Severino 'Butch' Antonio, Alex Pal sa leagues official TV carrier National Broadcasting Network (NBN), technical committee chief Cipriano 'Perry' Martinez, business development officer Joey Bautista ug marketing manager Rico Meneses.

"The fun and excitement of regional basketball is back. We are proud of the modest gains of Liga at this infancy stage. Now the real work begins," matud pa ni Eala, kinsa makig-uban sa opening ceremonies sa Liga officials Tac Padilla, Michel Lhuillier, Tito Palma, Jose Soberano, Misamis Oriental  Governor Oscar Moreno ug Tagaytay Mayor Bambol Tolentino.