Nabira gyud sa Lupa ang gipangandoy nga kadaugan dihang nakaikyas kini sa ilang kulbahinam nga duwa batok sa Luay, 43-41 sa SK Barangay Sapangdaku Summer Sports League 2008 niadtong miaging gabii didto sa Sitio Lupa basketball court sa Sapangdaku, Barangay Guadalupe, ning siyudad.
Bugnaw kaayo ang duwa sa Lupa pagsugod sa duwa diin gibiyaan kini og dos puntos, 10-12, apan sa sunod kuwarter ilang nakuha ang labaw ug mao na ang nakabentaha og singko puntos, 22-17 sa first half.
Sukad niadto, wala na makabangon pa ang Luay ug ang ilang bugtong konsolasyon mao ang pagkitkit sa labaw ngadto sa dos puntos paghuman sa duwa.
Nangulo sa kadaugan sa Lupa mao si Alot Econg kinsa mipupo og 13 puntos, samtang ang pilderong Luay gipangulohan ni Geovani Barbero nga mikulit og 17 puntos.
Ang SK Barangay Sapangdaku Summer Sports League 2008 gipasiugdahan sa Sangguniang Kabataan sa pagpangulo ni Adroel Jay Gacayen uban sa suporta sa Barangay Council ubos sa liderato ni Brgy. Capt. Henreo G. Labra.
PUNTOS MATAG USA
LUPA (43) -- A. Econg 13, Jay 8, J. Sergio 6, J. Logaos 6 , K. Fernandez 5, N. Logaos 2, M. Sanchez 2, A. Ragasajo 1,
LUAY (41) -- G. Barbero 17, B. Rosal 6, R. Pelaso 4, J. Rivero 4, R. Policon 4, J. Pepito 2, G. Obrador 2, T. Conde 2
QUARTERSCORES
10-12, 22-17, 29-27, 43-42