Gipahibalo ni ALA Promotions vice president for events Dennis Cañete kagahapon nga ang public preview alang sa "One More Time" event himuon ugma sa alas-4:00 sa hapon diha sa SM City Cebu Entertainment Plaza (Foodcourt).
Ang "One More Time" card gikatakda karong Mayo 31 diha sa Waterfront Cebu City Hotel and Casino sa barangay Lahug, ning siyudad.
Motambong sa maong kalihukan mao ang mga Pinoy'ng boksidor nga gipangulohan ni IBF Intercontinental champion Z 'The Dream' Gorres ug kanhi WBC world champion Malcolm Tuñacao.
Si WBO Youth lightweight contender Jason Pagara, kinsa mohimo sa iyang unang away ubos sa ALA Gym, motambong sab sa maong kalihukan uban sa mga bag-ong misubang nga boksidor sa ALA stable.
Adunay pagahimuon nga autograph signing ug picture taking uban sa mga boksidor.