BRBA 1st conference gisugdan na

Gisugdan na kagahapon ang Better Run Basketball Association 1st Conference uban sa walo ka teams didto sa Mambaling Sports Complex.

Ang liga nga migamit lang og duha ka kolor  -- Blue ug Yellow   gibahin  ngadto sa tag-upat ka teams matag kolor. Ang teams A, C, E ug G magsul-ob og Blue jersey, samtang ang Yellow jersey ang sul-ubon sa teams B, D, F ug H.

Usa sa walo ka teams mao ang Department of Interior and Local Government (DILG) nga misalmot isip guest ug non- bearing ang ilang duwa. 

Ang matag team girepresentahan og Board of Governors nga sila si Mambaling barangay councilor Victor Laborte, Emir Hamis, Mar Baja, Vic Susas, Alex Galeos, Rey Romarate ug Tito Dimitiman.
Ang presidente sa Better Run mao si Vic Gador ug ang nagmugna sa maong liga nga natukod niadtong 1985 mao si Danny Duran, kinsa mao sab  ang founder sa maong grupo.