Sugdan na karong gabii ang Barangay Sta. Cruz Inter-Color Sports Tournament adto sa Pelaez extension basketball court sa Barangay Sta Cruz, ning dakbayan.
Adunay kinatibuk-ang 18 teams ang mosalmot sa tournament -- 12 gikan sa basketball events ug unom gikan sa volleyball.
Ang basketball events adunay duha ka kategoriya -- junior ug senior divisions.
Naglangkob sa juniors division mao ang Navy Blue, Baby Pink, Maroon, Violet, Gold ug Royal Blue, samtang ang seniors mao ang White, Orange, Green, Sky Blue, Yellow Gold ug Black teams.
Mga teams sa volleyball mao ang Lemon Yellow, Red, Battle Green, Aqua Blue, Apple Green ug Aqua Green.
Si SK Chairman Catherine Bas miangkon nga ulahi na kaayo ang ilang liga apan masaligon gihapon siya nga mahuman kini sa dili pa mosugod ang klase.
Si Brgy. Councilor Vicente Quintana mitunol sab sa iyang hugot nga suporta ning maong kalihukan sa SK.
Sa laing bahin, gilangkat ni Bas ang silver medal sa 3rd Visayas-Mindanao Taekwando Championship nga gipahigayon didto sa Bacolod City, Negros Occidental niadtong miaging Domingo.
Si Pauline Reyes sa La Consolacion College sa Bacolod mao ang miangkon sa gold medal.